Паэзія ў красавіцкім нумары прадстаўлена вершамі Віктара Яраца і Таццяны Цвірко, сярод паэтаў-пачаткоўцаў – Аляксандра Жалязнова і Ірына Макарчук. Празаікі нумара – Валянціна Кадзетава, Ксенія Шталянкова, Наталля Канстанцінава, Арына Пранікава. 

З дэбютнымі творамі выступілі паэты Валерыя Фіцкевіч і Аляксандр Пякарскі, празаік Алесь Вешторт.

У рубрыцы “Пераклады. Мінскі дзяржаўны лінгвістычны ўніверсітэт” будзе магчымасць пазнаёміцца з прозай сучасных кітайскіх пісьменнікаў. Адгукнецца беларускаму чытачу “Казка пра канец свету” Фэй Даа – незвычайная гісторыя кахання хлопца і дзяўчыны, у якіх не засталося выбару. А вось аповед “Гукі росту солі” Ван Вэйлянь – твор рэалістычны, дзеянне ў ім адбываецца на беразе другога па велічыні ў свеце салёнага возера, якое знаходзіцца ў Кітаі, і людзі вымушаныя жыць там у няпростых, амаль экстрэмальных умовах.

З архіўных знаходак – неапублікаваныя вершы Уладзіміра Караткевіча, падрыхтаваныя да друку Пятром Жаўняровічам.

У рубрыцы “Інтэрв’ю” прапануем гутарку з акцёрам Рэспубліканскага тэатра беларускай драматургіі Алесем Ніканенкам.